Assalamu'alaikum warohmatullohi wabarakatuh..
Sambah di tibokan ka mamak sutan sinaro
Malin Saleman
Sungguh pun mak sutan surang nan
tasabuik namo nan taimbau gala di layia nyo tu lah kapado mak sutan sinaro yang
sararak sabondong tibo, nak sapapek papek nyo yo lah kabakeh sialek nanlah
taduduak di hamparan masiang-masiang nangko, ketek nan indak kadi sabuik namo
gadang nan indak kadi sabuik gala,amat jo sambah sajo di muliakan mako
kasudahan sambah kabakeh mak sutan sinaro juo,
Ma inyo mak sutan
sinaro …?
Ambo kato Mak sutan Sinaro
Apolah nan kajadi pasambahan
ambo kapado mak sutan sinaro
Di panjek janjang nan
panjang
Janjang tasanda
karangkiangnyo
Di ambiak padi dalam
lumbuang
Padi di jamua masiak
sahari
Ditumbuak gadih jolong
gadang
Alunyo daliak limau manih
Lasuang nyo kamuniang
baru sudah
Ayia ilia
tahanti-hanti
Buruang tabang tatagun-tagun
Daun baringin
mandariang-dariang
Mandanga bunyi tumbuak
nantun
Padi ditumbuak jadi
bareh
Bareh ditanak jadi
nasi
Nasi nan putiah
bajantikan
Harumnyo bak bungo
sari mandayo
Nan diangkek andam
pasumandan
Nan capek kaki ringan
tangan
Capek kaki tak
manaruang
Ringan tangan tak
mamacah
Mako tahanta lah
kahadapan mak sutan sinaro
Nan basamo, nan
balirik di ruang tapi
Nan lah tasusun
diruang tangah
Gulai jo samba nanlah
mandayo
Parabuang nyo pun lah
datang pulo
Jikok ditiliak raso
lah cukuik
Jikok di bilang raso lah sampai
Kok kurang-kurang manukuak
Kok senteang kadi bilai juo
Kalaluan bana itu kini
Sambah nasi mintak
dimakan
Sambah ayia mintak
diminum
Deka mak sutan sinaro
nan basamo
Cuma
sekian pasambahan dari ambooo …?
Ayolah mak Sutan Sinaro
Sutan Sinaro
Lah sampai dek Malin
Saleman
Malin Saleman
Sakiro-kiro
Kok kurang di tukuak
Kok senteang bilai dek
mak Sutan Sinaro
Sutan Sinaro
Ma baliau mak malin
saleman
Malin Saleman
Ambo
Sutan sinaro
Sapanjang panitahan Malin Saleman ,nan tatabua
katangah-tangah yang dihantar kapado ambo
itulah nan kato sabananyo
Bak ayia lah manampuah
ka iliran
Bak kato lah baranang
bana kapusako
Apo nan jadi
pambanaran dari mak malin suleman tadi
Indak kadi tikam
tikalam jajak
Ditikam jajak kok sipi
Dikilim jajak kok
lapeh
Bak timpuruang lago
tigo
Pai tigo pulang tigo
Sungguah pun baitu
Tatumbuak kato surang tantu
ka ambo bulati
Tapi tatumbuak kato
kanam basamo
Iyo ambo rundiangkan
juo kato jo mufakaik
Nan lamak raso
sapamakanan
Nan lamak bunyi
sapandangaran
Dek kasuwok dapek
maliek
Kakida dapek malengah
Mananti malin saleman nan sakatiko
Yolah
Ma baliau mak malin sutan
Sambah ditibokan kapado mak malin saleman
Mintalah
Sutan Sinaro
Tabang lah buruang
marapati
Tabang
manyisiak-nyisiak awan
Tadi mak malin saleman
sifat mananti
Samantaro ambo sifat mampaiyokan
Satalah ambo paiyo
patidokan
Di patimang di pagamakkan
Tantang pasambahan
malin saleman tadi
Lah dapek pulo kato
nan sapatah
Ayia nan satitiak
Kok pipih lah dapek dilayangkan
Kok bulek lah dapek di golongkan
Basuo bak pituah malin salemn juo
Bak bungo di ujuang rantiang
Bungo lah suko jadi putiak
Putiak lah suko jadi buah
Buah lah masak ranum pulo
Tenggih bak raso kadijuluak
Randah bak raso kadi jangkau
Kini lah gugua dari tampuak nyo
Nak
duo pituah kamlin suleman
Sititah nak pulau punjuang
Bak lalu kasuroaso
Kok titah bak samo kadi jujuang
Kok rasaki bak samo kadi tarimo mah mak malin suleman
Malin Suleman
Ma baliau mak Sutan
Sinaro
Kok itu nan
panyampaian dari mak sutan sinaro tako baliak pituah ka mak sutan sinaro
Putiah kapeh dapek
diliek
Putiah hati iyo
kabarupoan se nyo mak sutan sinaro
Iyo lah mak malin Suleman
Tidak ada komentar:
Posting Komentar